Navigaziun

Logo da la Confederaziun svizra

Links da siglida

tschernì

Cuntegn

Nivels da privel da chaliras

Co che la chalira vegn resentida, dependa dals suandants parameters meteorologics: temperatura da l'aria, irradiaziun dal sulegl, umiditad relativa da l'aria, vent.

  • Chalira = Resentiment dischagreabel, sche la temperatura da l'aria è memia auta.
  • Unda da chalira = Ina perioda da chalira extrema che po periclitar la sanadad dals umans.

Perquai che la chalira vegn supportada meglier, sche l'umiditad relativa da l'aria è bassa, sa basan ils avertiments da chalira da MeteoSvizra sin ina valur calculada a maun da la temperatura e da l'umiditad relativa: l'uschenumnà "heat index" (HI).

En Svizra resultan undas da chalira per il solit en connex cun ina situaziun da pressiun auta e cun vents nà dal sid fin dal sidvest, uschia che aria chauda e sitga vegn manada al territori alpin.

Nivel da privel 5 (fitg grond privel)
Avertiments da chalira vegnan emess mo per ils nivels 3 e 4, perquai ch'ina unda da chalira extrema da dimensiuns pli grondas n'è betg fitg probabla en nossas regiuns.
Nivel da privel 4 (grond privel)
Consequenzas Problems cun la circulaziun, malesser corporal
Cumportament Infurmaziuns davart il cumportament chattais Vus en las  Recumandaziuns da cumportament durant in'unda da chalira u tar l' Uffizi federal da sanadad publica UFSP
Descripziun da las valurs da mesiraziun e da prognosa
  • Heat index HI > 93
  • Almain 5 dis
  • Unda da chalira extrema cun temperaturas che sa chattan 5 dis u dapli sur la sava da chalira.
Nivel da privel 3 (privel considerabel)
Consequenzas Problems cun la circulaziun, malesser corporal
Cumportament

Infurmaziuns davart il cumportament chattais Vus en las  Recumandaziuns da cumportament durant in'unda da chalira u tar l' Uffizi federal da sanadad publica UFSP

Descripziun da las valurs da mesiraziun e da prognosa
  • Heat index HI > 90
  • Almain 3 dis
  • Unda da chalira cun temperaturas che sa chattan 3 dis u dapli sur la sava da chalira.

Explicaziuns:

Sco menziunà qua survart sa basan ils avertiments da chalira sin l'uschenumnà "heat index" (HI). Quel descriva la temperatura resentida e vegn calculà a maun da la temperatura e da l'umiditad relativa da l'aria.

Determinaziun da l'index da chalira

Per determinar l'index da chalira (heat index) po vegnir duvrà sper la temperatura ubain l'umiditad relativa ubain il punct da sdregliar. Las tabellas vegnan applitgadas sco suonda: prenda il maximum da la temperatura e l'umiditad da l'aria mesirada quel mument (punct da sdregliar u umiditad relativa) e legia en la tabella l'index correspundent. Uschia survegn ins l'index maximal da chalira dal di. En cas d'ina temperatura da 33 grads e d'ina umiditad relativa da 35 % cuntanscha l'index per exempel la valur 91. Sche questa valur vegn registrada durant trais dis consecutivs, correspundess quai ad in avertiment da chalira dal nivel 3.

Punct da sdregliar e temperatura per determinar l'index da chalira

Tabella cun il punct da sdregliar e cun la temperatura per determinar l'index da chalira

Umiditad relativa e temperatura per determinar l'index da chalira

Tabella cun l'umiditad relativa e cun la temperatura per determinar l'index da chalira

Colonna da context