Undas da chalira èn per regla previsiblas. Sche las temperaturas s'augmentan resp. sche l'umiditad da l'aria è auta, duessan perquai vegnir resguardadas las previsiuns da l'aura sco er las infurmaziuns en las medias. As infurmai plinavant en l'apoteca u tar Vossa media u Voss medi davart las mesiras da cumportament che vegnan recumandadas en spezial en cas da chalira.

Ulteriuras mesiras preventivas:

• preparar avunda aua.
• esser preparà per prestar emprim agid (p.ex. organisar in set d'emprim agid).
• s'infurmar davart las consequenzas en cas da chalira.
• enconuscher las mesiras preventivas impurtantas: p.ex. vestgadira, chapels, sumbriva, aua.
• controllar l'infrastructura da l'edifizi (p.ex penslas, storas externas reflectantas).
• resguardar las annunzias push da l' app da MeteoSvizra.

 Las consequenzas pussaivlas ed ils nivels da privel da chalira chattais Vus qua.