Navigaziun

Logo da la Confederaziun svizra

Links da siglida

tschernì

Cuntegn

Recumandaziuns da cumportament durant in'unda da chalira

La chalira po donnegiar la sanadad dals umans ed eventualmain reducir las prestaziuns spiertalas e corporalas.

Quant bain ch'ina persuna cumporta la chalira, dependa er da ses stadi corporal mumentan. Uschia cumportan ins cleramain main bain la chalur, sch'ins ha per exempel in dafraid u malsognas cronicas. En general reageschan dunnas en speranza, uffants pitschens, persunas pli veglias e malsaunas pli fitg sin temperaturas autas.

Mals tipics en consequenza da la chalira pon sa mussar en furma da sturnizi, mal il chau, spussada, malesser, vomitar e.u.v.

Recumandaziuns generalas da cumportament durant in'unda da chalira:

  • uras cun la pli gronda irradiaziun dal sulegl (11.00 fin 15.00); uras las pli chaudas il suentermezdi (15.00 fin 18.00): restrenscher las activitads al liber sin la damaun e la saira e sche pussaivel restar a la sumbriva.
  • evitar sche pussaivel sforzs corporals. Baiver avunda en cas da lavur corporala (bavrondas fraidas senza alcohol).
  • sa proteger cunter l'irradiaziun directa dal sulegl (sumbriva, vestgadira, chapè, egliers da sulegl, crema da sulegl e.u.v.).
  • purtar vestgadira clera, betg stretga.
  • baiver avunda (almain 1,5 fin 2 liters per di) e cumpensar a medem temp la perdita da sal e d'aua. Adattads èn per quest intent: aua minerala che cuntegna natrium, sucs, schuppas, fritgs cun blera aua sco melonas, cucumeras, tomatas, frajas, persics.
  • mangiar chaussas frestgas, fraidas e ligeras e reparter ils pasts sin l'entir di.
  • cumpensar la perdita da sal durant u suenter activitads sportivas.
  • nizzegiar la sfradentada durant la notg: dar intensivamain aria als edifizis.
  • sa sfradentar cun ina duscha fraida u cun in bogn fraid.
  • en cas da lungas periodas da chalira (e da setgira) resulta savens er in  privel d'incendis da guaud.
  • s'infurmar cuntinuadamain sur las medias resp. sur las prognosas da l'aura.
  • resguardar las annunzias push da l' app da MeteoSvizra.
  • en mintga cas suandar las instrucziuns da las autoritads.

Colonna da context