Navigaziun

Logo da la Confederaziun svizra

Links da siglida

tschernì

Cuntegn

Nivels da privel da scheliras

Schelira dal terren vul dir che la temperatura en la vischinanza dal terren (mesirada 5 cm sur il funs natiral) po sa sbassar fin al punct da schelira (0°) u pli bass. Sche quai è il cas, poi dar tscherts donns da schelira en l'agricultura ed en la selvicultura.

Avertiments da schelira dal terren vegnan publitgadas mo durant tscherts temps e mo per regiuns bassas (sut 600 m):

  • al nord da las Alps dals 15 da mars fin ils 15 da zercladur e dals 15 da settember fin ils 30 da november
  • al sid da las Alps dals 15 da mars fin ils 31 da matg e dal 1. d'october fin ils 30 da november, tut tenor l'aura er in pau suenter resp. avant

Natiralmain schela il terren er durant l'enviern. Cunquai che quai n'è dentant nagut extraordinari durant quella stagiun, na dovri er nagins avertiments.

Nivel da privel 2 (privel moderà)
Consequenzas Privel da schelira pervia da temperaturas che chaschunan donns vi da plantas e culturas.
Cumportament Prender mesiras da protecziun adequatas (p.ex. cuvrir las culturas cun vlies u metter plantas da vaschs spezialmain periclitadas cunter la paraid da la chasa).
Descripziun da las valurs da mesiraziun e da prognosa
  • Schelira dal terren debla fin moderada tar temperaturas da 0° fin -4° (en in'autezza da 5 cm sur il funs)*
  • Schelira dal terren ferma tar temperaturas da main che -4° (en in'autezza da 5 cm sur il funs)*
Nivel da privel 1 (pitschen privel u nagin privel)
Consequenzas Nagin privel per plantas e culturas.
Cumportament -
Descripziun da las valurs da mesiraziun e da prognosa Per regla nagina schelira dal terren u schelira dal terren locala debla.

Explicaziuns:

*I vegn differenzià tranter debel-moderà e ferm. Igl exista mo il nivel da privel 2.

Links utils:

 Descripziun dals nivels da privel da MeteoSvizra

Colonna da context