Navigaziun

Logo da la Confederaziun svizra

Links da siglida

tschernì

Cuntegn

Nivels da privel d'urizis

In urizi è in fenomen meteorologic cumplex. Tratgs caracteristics d'urizis èn las stgargiadas electricas (chametgs) ed il tun che suonda lura. Premissas per in urizi èn avunda umiditad ed aria che s'auza svelt, per exempel perquai ch'ella è vegnida stgaudada fermamain. Entaifer in nivel d'urizi (cumulonimbus) datti savens vents ascendents e descendents ed uschia turbulenzas.

Ils fenomens meteorologics privlus d'in urizi èn chametgs, fermas precipitaziuns (uradis, granella u l'enviern er naiv) sco er bufs per part fitg ferms che pon cuntanscher la fermezza d'orcans.

Nivel da privel 5 (fitg grond privel)
I vegnan mo emess avertiments d'urizis dal nivel 3 e 4. Malgrà meds auxiliars e metodas modernas n'èsi ozendi betg pussaivel da predir precisamain pliras uras ordavant la fermezza, las uras ed il lieu d'urizis fitg ferms e d'avertir davart tals urizis. Trais nivels da differenziaziun n'èn perquai pauc raschunaivels.
Nivel da privel 4 (grond privel)
Consequenzas
  • I po dar andetgamain undadas en auals.
  • Bostga cupitga.
  • Localmain poi dar bovas sin spundas fitg stippas.
  • Donns da granella e culps da chametg.
  • Ils sistems da l'allontanament da l'aua e las chanalisaziuns na funcziunan betg pli.
  • Sutpassadis, garaschas sutterranas e tschalers vegnan inundads.
  • Il traffic sin via, il traffic da viafier ed il traffic aviatic vegnan impedids.
  • Il traffic da nav sin lais è periclità tras bufs fitg ferms ed imprevis.
Cumportament Infurmaziuns davart il cumportament chattais Vus en las  Recumandaziuns da cumportament durant in urizi
Descripziun da las valurs da mesiraziun e da prognosa
  • Urizis fitg ferms (lunsch enturn; preavertiment 2-12 uras): > 120 km/h, >4 cm granella, >50 mm/h
  • Urizis fitg ferms (urizis imprevis, locals; preavertiment 0-2
Nivel da privel 3 (privel considerabel)
Consequenzas
  • I po dar andetgamain undadas en auals.
  • Bostga cupitga.
  • Localmain poi dar bovas sin spundas fitg stippas.
  • Donns da granella e culps da chametg.
  • Ils sistems da l'allontanament da l'aua e las chanalisaziuns na funcziunan betg pli.
  • Sutpassadis, garaschas sutterranas e tschalers vegnan inundads.
  • Il traffic sin via, il traffic da viafier ed il traffic aviatic vegnan impedids.
  • Il traffic da nav sin lais è periclità tras bufs fitg ferms ed imprevis.
Cumportament

Infurmaziuns davart il cumportament chattais Vus en las  Recumandaziuns da cumportament durant in urizi

Descripziun da las valurs da mesiraziun e da prognosa
  • Urizis ferms (lunsch enturn; preavertiment 2-12 uras): 90-120 km/h, 2-4 cm (granella), 30-50 mm/h
  • Urizis ferms (urizis imprevis, locals; preavertiment 0-2 uras): 90-120 km/h, 2-4 cm (granella), 30-50 mm/h
Nivel da privel 2 (privel moderà)

Urizis usitads per la stagiun (perquai na vegnan publitgads nagins avertiments spezials)

Explicaziuns

I vegn differenzià tranter "urizis ferms (lunsch enturn)" ed "urizis imprevis":
La noziun "urizis ferms (lunsch enturn)" vegn duvrada per ina regiun pli gronda fin a 12 uras ordavant, sch'il potenzial ch'i dettia lunsch enturn urizis ferms è avant maun.

Sco "urizis imprevis" vegnan designads avertiments a curta vista (0 fin 2 uras) cun ina localisaziun pli exacta. Quest avertiment vegn publitgà pir, cur ch'il center d'in urizi ha cuntanschì il nivel da privel correspundent. Per avertiments d'urizis duai esser ademplì almain in dals criteris granella, vent u plievgia (vesair tabella).

Links utils

 Descripziun dals nivels da privel da MeteoSvizra

Colonna da context