Navigaziun

Logo da la Confederaziun svizra

Links da siglida

tschernì

Cuntegn

Recumandaziuns da cumportament durant vents ferms

Stemprads tiran per part cun fitg grondas sveltezzas e cun bufs tras il pajais. Els pon strair davent objects, distatgar quadrels dals tetgs, terrar bostga e furmar undas grondas sin ils lais. En cas da vents fitg ferms na duess ins perquai sche pussaivel betg sa trategnair al liber. 

Recumandaziuns da cumportament durant vents ferms:

  • observar il svilup local da l'aura, s'infurmar ed adattar il cumportament a las relaziuns.
  • resguardar las annunzias push da  l'app da MeteoSvizra.
  • resguardar ils alarms da stemprads sin ils lais.
  • tegnair distanza da las rivas da lais.
  • sche pussaivel betg sa trategnair al liber.
  • tegnair distanza da guauds, d'urs da guaud, da bostga exponida e da gruppas da bostga.
  • tegnair distanza da pitgas electricas (pitgas intactas e pitgas terradas).
  • betg charrar sin vias da guaud u tras aleas da bostga.
  • tegnair distanza da lieus exponids sco tetgs, penslas u nas da grips.
  • far attenziun d'objects che crodan giu (quadrels dals tetgs, roms, conducts electrics e.u.v.).
  • betg reparar donns vi d'edifizis ed infrastructuras durant il stemprà (p.ex. quadrels crudads giu dals tetgs), mabain spetgar fin ch'il stemprà è tschessà.
  • en mintga cas suandar las instrucziuns da las autoritads.

Colonna da context