Navigaziun

Logo da la Confederaziun svizra

Links da siglida

tschernì

Navigaziun

Cuntegn

Basas giuridicas

Responsabladad

Malgrà che las autoritads dattan bain adatg che las infurmaziuns publitgadas sin questa pagina d'internet sajan correctas, na pon ellas surpigliar nagina responsabladad per la correctadad dal cuntegn, per l'exactadad, per l'actualitad, per l'autenticitad e per la cumplettezza da talas infurmaziuns.

Las autoritads federalas sa resalvan explicitamain il dretg da midar da tut temp e senza preavis parzialmain u entiramain il cuntegn da la pagina d'internet, d'al stizzar u da suspender temporarmain la publicaziun da quel.

Las autoritads federalas refusan tutta responsabladad per donns materials u immaterials chaschunads tras l'access a las infurmaziuns publitgadas u tras lur utilisaziun resp. nunutilisaziun, tras il maldiever da la colliaziun u tras disturbis tecnics. En spezial vegn er exclusa explicitamain la responsabladad per simpla negligientscha e per donns indirects.

Renviaments e links

Renviaments e links a paginas d'internet da terzas persunas na tutgan betg en il sectur da responsabladad da las autoritads federalas. L'access a questas paginas d'internet e lur utilisaziun han lieu sin agen ristg da l'utilisadra u da l'utilisader. Las autoritads federalas decleran explicitamain ch'ellas n'hajan nagina influenza sin la furma, sin il cuntegn e sin las purschidas da las paginas, a las qualas ellas renvieschan. Las infurmaziuns ed ils servetschs da questas paginas d'internet stattan cumplainamain en la responsabladad da lur auturas e da lur auturs.

Las autoritads federalas refusan tutta responsabladad per talas paginas d'internet.

Protecziun da datas

Sa basond sin l'artitgel 13 da la Constituziun federala svizra e sin las leschas davart la protecziun da datas ha mintga persuna il dretg che sia sfera privata vegnia protegida e che sias datas persunalas sajan protegidas cunter abus. Las autoritads participadas al portal dals privels da la natira observan questas disposiziuns.

Las datas persunalas vegnan tractadas en moda strictamain confidenziala e na vegnan ni vendidas ni dadas vinavant a terzas persunas.

En stretga collavuraziun cun noss hosting-providers ans stentain nus da proteger uschè bain sco pussaivel e cun tut ils meds las bancas da datas cunter intrusiuns externas, cunter perditas, cunter abus u cunter sfalsificaziuns.

Tar l'access a questa pagina d'internet na vegnan arcunadas naginas datas persunalas. Ils servers-web da noss hosting-providers registreschan mo datas d'utilisaziun betg persunalas che vegnan elavuradas per las autoritads federalas uschia, ch'ins po vesair trends, per uschia meglierar correspundentamain la purschida (logfiles). Per infurmaziuns supplementaras davart l'analisa-web vesair il chapitel qua sutvart. Las datas d'utilisaziun na vegnan betg colliadas cun datas persunalas.

In'excepziun exista, sch'ins contactescha voluntarmain las autoritads federalas. Cur che Vossa adressa dad e-mail vegn registrada, vegn quella messa en ina banca da datas separada che na stat en nagin connex cun ils logfiles anonims. Vus avais da tut temp la pussaivladad d'annullar Vossa registraziun.

Analisa-web

Questa pagina d'internet utilisescha Google Analytics, in servetsch d'analisa-web da Google Inc. ("Google"). Google Analytics sa serva d'uschenumnads "cookies", vul dir datotecas da text che vegnan arcunadas sin Voss computer per pussibilitar d'analisar co che Vus duvrais la pagina d'internet. Las infurmaziuns ch'il cookie generescha davart Vossa utilisaziun da la pagina d'internet (inclusiv l'adressa IP) vegnan transferidas ed arcunadas sin in server da Google en ils Stadis Unids da l'America. Google dovra questas infurmaziuns per evaluar l'utilisaziun da la pagina d'internet, per cumpilar rapports davart las activitads da la pagina d'internet per mauns dal gestiunari da la pagina sco er per prestar – per il gestiunari da la pagina – ulteriurs servetschs che stattan en connex cun l'utilisaziun da la pagina e cun l'utilisaziun da l'internet. Google po transmetter questas datas a terzas persunas, inclus il gestiunari da questa pagina d'internet, sch'i existan obligaziuns giuridicas en quest reguard u sche terzas persunas elavuran las datas per incumbensa da Google. L'adressa IP che Voss browser transmetta en il rom da Google Analytics, na vegn betg unida cun autras datas da Google.

L'anonimisaziun da l'adressa IP è activada sin il portal dals privels da la natira www.naturgefahren.ch, q.v.d. las adressas IP che Google Analytics sto logicamain transmetter al server da Google Analytics per ils visitaders dal portal dals privels da la natira, vegnan scursanidas automaticamain ed entaifer in temp fitg curt per las ultimas trais cifras.

Cun configurar Voss browser correspundentamain pudais Vus dentant impedir ch'il browser arcunia cookies; nus rendain dentant attent che Vus na pudais lura eventualmain betg utilisar tut las funcziuns da questa pagina d'internet. Ultra da quai pudais Vus impedir che Google registreschia ed elavuria las datas ch'il cookie generescha davart Vossa utilisaziun da la pagina d'internet (incl. Vossa adressa IP), tras quai che Vus chargiais giu ed installais in plugin per il browser sut il suandant link:

 Add onn per il browser per deactivar Google Analytics

Tras l'utilisaziun da questa pagina d'internet declerais Vus explicitamain dad esser perencletg che Google tracta las datas, che vegnan generadas davart Vossa utilisaziun da la pagina d'internet, en la moda e maniera descritta e per l'intent numnà qua survart.

Copyright

Copyright: Autoritads federalas da la Confederaziun svizra, 2014.

Ils dretgs d'autur e tut ils auters dretgs en connex cun ils cuntegns, cun ils maletgs, cun las fotografias u cun autras datotecas sin las paginas da las autoritads federalas tutgan exclusivamain a quellas ubain als titulars che vegnan menziunads spezialmain. Per la reproducziun da mintga element dovri ordavant l'autorisaziun en scrit dals titulars dals dretgs d'autur.

Colonna da context