Auas grondas (aut nivel da l’aua da lais, auals e flums) ed inundaziuns (auas che van suror las rivas) datti tranter auter, sche lais sco er auals e flums mainan blera aua, sch’i defluescha blera aua suenter ina ferma precipitaziun (plievgia, naiv) e/u suenter ina ferma marschauna u sch’igl arriva dapli aua sutterrana che usità a la surfatscha da la terra (p.ex. funtaunas).

Auas grondas en ils lais duran per il solit pli ditg, han per regla dentant ina forza destructiva main directa che auals che van suror. Auals che van suror han per il solit grondas sveltezzas e pon uschia entaifer curt temp chaschunar donns enorms.

Nivel da privel 1 (pitschen u nagin privel) vul dir

Sa trategnair en il sectur d’auas è nunproblematic. Igl è però adina necessari da star attent.

Recumandaziuns da cumportament

• Sa trategnair en il sectur d’auas è nunproblematic. Igl è però adina necessari da star attent.

Infurmaziuns supplementaras

• Flums ed auals: La deflussiun resta sut in eveniment che ha lieu en media ina giada mintga dus onns.
• Lais: Il livel dal lai correspunda al sectur usità.

Nivel da privel 2 (privel moderà) vul dir

Inundaziuns localas èn pauc probablas, ma betg dal tut exclusas.

Recumandaziuns da cumportament

• I po esser privlus da sa trategnair en il sectur da flums e d’auals. Sajas precaut e tegnai avunda distanza envers l’aua.
• Observai la situaziun e prendai emprimas mesiras da protecziun.
• Ulteriuras infurmaziuns sut «Cumportament durant in’aua gronda».

Infurmaziuns supplementaras

• Flums ed auals: La deflussiun correspunda al sectur d’in eveniment che ha lieu en media ina giada mintga 2 fin 10 onns.
• Lais: Il livel dal lai è pli aut, ma anc sut la limita d’aua gronda.

Nivel da privel 3 (privel considerabel) vul dir

En lieus exponids poi dar inundaziuns localas.

Recumandaziuns da cumportament

• I po esser privlus da sa trategnair en il sectur da flums e d’auals. Sajas precaut e tegnai avunda distanza envers l’aua.
• Observai la situaziun e prendai emprimas mesiras da protecziun.
• Ulteriuras infurmaziuns sut «Cumportament durant in’aua gronda».

Infurmaziuns supplementaras

• Flums ed auals: La deflussiun correspunda al sectur d’in eveniment che ha lieu en media ina giada mintga 10 fin 30 onns.
• Lais: Il livel dal lai è cleramain pli aut, ma sut la limita d’aua gronda.

Nivel da privel 4 (grond privel) vul dir

Inundaziuns èn pussaivlas. Edifizis ed implants d’infrastructura (p.ex. vias) pon esser pertutgads. Impediments da traffic èn pussaivels. I po dar pli savens donns.

Recumandaziuns da cumportament

• Igl è privlus da sa trategnair en il sectur da flums e d’auals. Tegnai distanza.
• Observai la situaziun e prendai las mesiras da protecziun necessarias.
• Ulteriuras infurmaziuns sut «Cumportament durant in’aua gronda».

Infurmaziuns supplementaras

• Flums ed auals: La deflussiun correspunda al sectur d’in eveniment che ha lieu en media ina giada mintga 30 fin 100 onns.
• Lais: Il livel dal lai è sur la limita d’aua gronda (main che 25 cm suror).

Nivel da privel 5 (fitg grond privel) vul dir

En blers lieus èsi da far quint cun inundaziuns. Vias, trajects da tren, abitadis sco er implants industrials pon esser pertutgads fermamain. Per part ston ins far quint cun impediments massivs dal traffic. I po dar gronds donns.

Recumandaziuns da cumportament

• Igl è fitg privlus da sa trategnair en il sectur da flums e d’auals. Tegnai distanza.
• Observai la situaziun e prendai las mesiras da protecziun necessarias.
• Ulteriuras infurmaziuns sut «Cumportament durant in’aua gronda».

Infurmaziuns supplementaras

• Flums ed auals: La deflussiun cuntanscha ina valur che sa preschenta ina giada en 100 onns u pli pauc savens.

Lais: Il livel dal lai è cleramain sur la limita d’aua gronda (pli che 25 cm suror).