La chalira è in privel ch’ins sto prender serius, per ils umans, ils animals, l’ambient e l’infrastructura. Autas temperaturas pon engrevgiar la sanadad.

Novas enconuschientschas scientificas davart la mortalitad pervia da la chalira mussan, che betg mo las temperaturas maximalas dal di influenzeschan la grevezza da la chalira, mabain er las temperaturas durant la notg. Plinavant n’han betg mo las periodas lungas da chalira ina influenza sin la sanadad, mabain er las periodas curtas ed intensivas.

Avertiments da chalira vegnan emess mo per ils nivels 2, 3 e 4.

Nivel da privel 2 (privel moderà) vul dir

Durant in u dus dis na vegni er durant la notg betg a dar ina clera sfradentada da la chalira dal di. Entaifer questa perioda da chalira exista ina ristga moderada per problems cun la circulaziun e per ina maldispostadad corporala.

Recumandaziuns da cumportament

• Baiver almain 1,5 liters per di, il meglier bavrondas betg dultschidas e senza alcohol.
• Tegnair frestg il corp: sa trategnair en la sumbriva ed en locals frestgs, sa proteger cun vestgadira adattada, cuvrachau e protecziun cunter il sulegl, sumbrivar las fanestras e dar aria la bun’ura.
• Evitar sforzs corporals durant il pli chaud temp dal di.
• Betg laschar enavos persunas u animals en l’auto parcà.
• Resguardar las recumandaziuns da cumportament da l’Uffizi federal da sanadad publica UFSP.

Infurmaziuns supplementaras

Temperatura media dal di ≥ 25 °C per in u dus dis.

Nivel da privel 3 (privel considerabel) vul dir

Durant almain trais dis consecutivs na vegni er durant la notg betg a dar ina clera sfradentada da la chalira dal di. Entaifer questa unda da chalira exista ina ristga considerabla per problems cun la circulaziun e per ina maldispostadad corporala.

Recumandaziuns da cumportament

• Baiver almain 1,5 liters per di, il meglier bavrondas betg dultschidas e senza alcohol.
• Tegnair frestg il corp: sa trategnair en la sumbriva ed en locals frestgs, sa proteger cun vestgadira adattada, cuvrachau e protecziun cunter il sulegl, sumbrivar las fanestras e dar aria la bun’ura.
• Evitar sforzs corporals durant il pli chaud temp dal di.
• Mantegnair il contact cun persunas periclitadas en ils conturns.
• Betg laschar enavos persunas u animals en l’auto parcà.
• Resguardar las recumandaziuns da cumportament da l’Uffizi federal da sanadad publica UFSP.

Infurmaziuns supplementaras

Temperatura media dal di ≥ 25 °C per almain trais dis consecutivs.

Nivel da privel 4 (grond privel) vul dir

Durant almain trais dis consecutivs na vegni er durant la notg betg a dar ina sfradentada da la chalira dal di. Entaifer questa unda da chalira exista ina gronda ristga per problems cun la circulaziun e per ina maldispostadad corporala.

Recumandaziuns da cumportament

• Baiver almain 1,5 liters per di, il meglier bavrondas betg dultschidas e senza alcohol.
• Tegnair frestg il corp: sa trategnair en la sumbriva ed en locals frestgs, sa proteger cun vestgadira adattada, cuvrachau e protecziun cunter il sulegl, sumbrivar las fanestras e dar aria la bun’ura.
• Evitar sforzs corporals durant il pli chaud temp dal di.
• Mantegnair il contact cun persunas periclitadas en ils conturns.
• Betg laschar enavos persunas u animals en l’auto parcà.
• Resguardar las recumandaziuns da cumportament da l’Uffizi federal da sanadad publica UFSP.

Infurmaziuns supplementaras

• Temperatura media dal di ≥ 27 °C per almain trais dis consecutivs.