Naiv è la furma la pli frequenta da precipitaziuns cumpactas e consista da blers cristals da glatsch fins. Quels sa furman tar temperaturas da main che -4 °C e crodan giu sin terra, sche la sveltezza da crudada, la temperatura e l'umiditad sut il nivel n'als laschan betg luar u svapurar.
Ils avertiments da navaglias vegnan duvrads en emprima lingia per precipitaziuns extendidas.
Las limitas d’avertiment dals nivels da privel 2 e 3 per las planiras da la Svizra tudestga sa differenzieschan levamain da talas per las planiras da la Svizra romanda e dal sid da las Alps.
Avertiments da navaglias vegnan publitgads per ils nivels 2 fin 5.
Igl exista in privel da vias glischas pervia da vias cuvertas cun naiv.
Navaglias
I po dar restricziuns dal traffic sin via, dal traffic da viafier e dal traffic aviatic. Pervia da la chargia da naiv pon rumper giu roms. La transibladad da las vias po sa pegiurar considerablamain.
Navaglias fermas/intensivas
Igl è da far quint cun impediments tar il traffic aviatic e da viafier. Pervia da vias glischas, cuflads e nauscha vista èsi da far quint cun retards e cun in privel d’accidents pli grond en il traffic sin via. Pervia da la chargia da naiv pon rumper giu roms u cupitgar singuls bostgs. I po dar interrupziuns dal provediment d’electricitad e/u da las colliaziuns telefonicas. Tras grondas chargias da naiv pon il tetgs vegnir engrevgiads fermamain.
Navaglias fermas/intensivas
Il traffic sin via, da viafier ed aviatic po vegnir interrut cumplettamain. Sin las vias è il privel d’accidents fitg grond pervia da vias glischas, cuflas e nauscha vista. Pervia da la chargia da naiv pon rumper giu roms u cupitgar entirs bostgs. Il provediment d’electricitad e las colliaziuns da telefon pon vegnir interruts.
Navaglias fermas/intensivas