Schelira dal terren vul dir, che la temperatura en la vischinanza dal terren (mesirada 5 cm sur il funs natiral) po sa sbassar fin al punct da schelira (0°) u pli bass. Sche quai è il cas, poi dar tscherts donns da schelira en l’agricultura ed en la selvicultura.

Avertiments da schelira dal terren vegnan publitgadas mo dals 15 da mars fin ils 31 d’october e mo per regiuns bassas (sut 600 m). Natiralmain schela il terren er durant il mez onn d’enviern. Cunquai che quai n’è dentant nagut extraordinari durant quella stagiun, dovri er nagins avertiments.

Avertiments da schelira dal terren vegnan mo emess per il nivel 2.

Nivel da privel 2 (privel moderà) vul dir

Il terren po schelar e las plantas pon subir donns da schelira.

Recumandaziuns da cumportament

• Cuvrir las plantas cun vlies u metter plantas da vaschs sensiblas en lieus protegids sco cunter la paraid da la chasa ubain en l’intern da l’edifizi.
• Proteger materials sensibels a temp cunter schelira.

Infurmaziuns supplementaras

I vegn differenzià tranter schelira dal terren «debla-moderada» e «ferma».

• Debla fin moderada: tar temperaturas tranter 0 e -4 grads (en in’autezza da 5 cm sur il terren).
• Ferma: tar temperaturas sut -4 grads (en in’autezza da 5 cm sur il terren).