Vent è il moviment drizzà da l’aria. Vents resultan pervia da differenzas en la pressiun da l’aria tranter massas d’aria da differenta temperatura. L’aria sa mova davent da la pressiun pli auta (zona da pressiun auta) a la pressiun pli bassa (zona da pressiun bassa), fin che la pressiun da l’aria è sa gulivada. En Svizra datti sin grondas surfatschas il pli savens vent dal vest, bisa e favugn.
L’autezza transitorica tranter las «regiuns bassas e mesaunas» sco er las «regiuns pli autas» è per il Giura e la Bassa dal nord da las Alps tar 1000 m s.m., per las Alps e per il sid da las Alps tar 1600 m s.m.
Avertiments da vent vegnan publitgads per ils nivels 2 fin 5.
Objects betg francads u francads insuffizientamain pon cupitgar. Roms pli pitschens pon rumper giu.
Roms pon rumper giu e bostgs cupitgar. Singuls tetgs pon vegnir donnegiads. Objects da gronda surfatscha ch’èn francads mo levamain sco tendas e puntanadas pon cupitgar. Il traffic sin via, da viafier, nautic ed aviatic po esser restrenschì. Il privel d’accidents en il traffic sin via è pli grond pervia da ferm vent lateral.
Roms pon rumper giu e bostgs cupitgar. Singuls tetgs pon vegnir donnegiads. Objects da gronda surfatscha ch’èn francads mo levamain sco tendas u puntanadas pon cupitgar. Il traffic sin via, da viafier, nautic ed aviatic po esser restrenschì. Il privel d’accidents en il traffic sin via è pli grond pervia da ferm vent lateral.
Bostgs, entiras gruppas da bostgs u parts d’in guaud sco er pitgas da conducts pon cupitgar. Edifizis pon vegnir donnegiads fermamain. Il traffic sin via, da viafier, nautic ed aviatic po esser disturbà u vegnir interrut cumplettamain. Vehichels pli gronds e vids pon cupitgar. Er objects da gronda surfatscha sco tendas u puntanadas ch’èn francads, ubain objects movibels sco mobiglias d’iert pon cupitgar u vegnir suflads davent pervia dal vent. Sin ils lais poi dar grondas undas che van suror la riva. Las colliaziuns d’electricitad e da telefon pon vegnir interruttas en territoris gronds e per in temp pli lung.