Ils avertiments per vias glischas sa refereschan cunzunt al stadi da las vias. Differenziads vegnan ils suandants privels:

• Vias glischas da naiv: naiv schelada sin las vias (tar quantitads fin 4 cm)
• Vias glischas da glatsch: vias bletschas che schelan la notg en cas da tschiel serain
• Glatsch viv: precipitaziuns fraidas u sfradentadas (plievgia u pluschignadas che sa transfurman en glatsch) crodan sin ina via sfradentada (surfatscha pli fraida che 0 grads) e schelan immediatamain
• Vias glischas pervia da prugina: gronda umiditad da l’aria schela sin la via sfradentada.

Avertiments da privel da vias glischas vegnan publitgads da la vart dal nord da las Alps fin sin 800 m s.m, da la vart dal sid da las Alps fin sin 1600 m s.m.

Avertiments da vias glischas vegnan publitgads mo per ils nivels 2 fin 4.

Nivel da privel 2 (privel moderà) vul dir

Igl exista in privel da glischnar.

Recumandaziuns da cumportament

• Sa procurar infurmaziuns davart la situaziun da traffic (p.ex. sur radio, telefon 163, televisiun u medias online).
• Sche pussaivel desister da far viadis cun auto.
• Charrar precautamain e tegnair avunda distanza.

Infurmaziuns supplementaras

• Vias glischas da naiv (main che 4 cm < 0 grads)
• Vias glischas da glatsch (l’umiditad sin via schela)
• Glatsch viv (la plievgia sa transfurma en glatsch)
• Vias glischas pervia da prugina

Nivel da privel 3 (privel considerabel) vul dir

Igl exista in privel da glischnar. Vias da traffic pon esser scheladas e mo malamain transiblas. Igl è da far quint cun impediments tar il traffic sin via ed aviatic.

Recumandaziuns da cumportament

• Sa procurar infurmaziuns davart la situaziun da traffic (p.ex. sur radio, telefon 163, televisiun u medias online).
• Sche pussaivel desister da far viadis cun auto.
• Charrar precautamain e tegnair avunda distanza.

Infurmaziuns supplementaras

Plievgia che sa transfurma en glatsch: fin 2 mm (quantitad totala da las precipitaziuns che schela sin il funs).

Nivel da privel 4 (grond privel) vul dir

Igl exista in privel da glischnar. Vias da traffic pon esser scheladas e mo malamain transiblas. Igl è da far quint cun impediments tar il traffic sin via ed aviatic.

Recumandaziuns da cumportament

• Sa procurar infurmaziuns davart la situaziun da traffic (p.ex. sur radio, telefon 163, televisiun u medias online).
• Sche pussaivel desister da far viadis cun auto.
• Charrar precautamain e tegnair avunda distanza.

Infurmaziuns supplementaras

Plievgia che sa transfurma en glatsch: sur 2 mm (quantitad totala da las precipitaziuns che schela sin il funs).