Navigaziun da servetsch
Tscherchar
Recumandaziuns da cumportament avant ch'i dat vias glischas
En cas da vias glischas exista il privel andetg ed acut da glischnar, il traffic stradal ed aviatic po vegnir interrut cumplettamain, il traffic da viafier po vegnir impedì, roms pon rumper giu e bostga po cupitgar sut la chargia dal glatsch.
Las consequenzas pussaivlas ed ils nivels da privel da vias glischas chattais Vus qua.
Per esser preparà per vias glischas e per arrivar sco peduna u pedun ubain cun il vehichel privat (auto, moto, velo e.u.v.) segiramain tras l'enviern, vali da prender las suandantas mesiras.
Observar il svilup local da l'aura.
Resguardar las annunzias push da l'app da MeteoSvizra colliaziun externa.
Preparar l'auto per l'enviern.
Recumandaziuns da cumportament durant vias glischas
Scheglia che las vias èn glischusas, duessas adattar tia cumportaziun, surtut en il traffic, a las cundiziuns.
Observar il svilup local da l'aura.
Resguardar las annunzias push da l'app da MeteoSvizra colliaziun externa.
Scheglia pussaivel, na bandunar betg las chasas e las abitaziuns.
Desister da tut ils viadis ch'èn betg urgentamain necessaris (er cun l'equipament d'enviern) e sche pussaivel duvrar ils meds da transport publics.
S'infurmar davart la situaziun da traffic (radio, telefon 163, televisiun, medias).
En mintga cas suandar las instrucziuns da las autoritads.
Recumandaziuns da cumportament suenter vias glischas
L'enviern datti savens accidents en il traffic sin via pervia da vias glischas, cunzunt sch'il vehichel n'ha betg si pneus d'enviern u sche la sveltezza n'è betg vegnida adattada a las relaziuns. Er pedunas e peduns pon sa blessar, sch'ellas ed els glischnan or p.ex. sin passapes schelads.
Tge èsi da far?
Segirar il lieu da l'accident.
Far in protocol da l'accident (incl. notizias davart il stadi da la via).
Annunziar il donn.
En cas da donns da persunas: prestar emprim agid, clamar la polizia e l'ambulanza.