Inhaltsbereich

Recumandaziuns da cumportament plievgias fermas

Recumandaziuns da cumportament avant plievgias fermas

  • Per regla pon las meteorologas ed ils meteorologs prognostitgar plievgias fermas e lungas intgins dis ordavant. Durant quest temp èsi bun da sa tegnair al current davart il svilup actual e davart ils privels pussaivels en cas da plievgias fermas (aua gronda, inundaziuns, bovas e.u.v.).

    Las consequenzas pussaivlas ed ils nivels da privel da plievgias chattais Vus qua.

    Recumandaziuns da cumportament avant plievgia ferma / abundanta:

  • Observar il svilup local da l'aura.

  • resguardar las annunzias push da l'app da MeteoSvizra.

  • Metter ad aut objects en territoris u locals (plauns sutterrans) periclitads d'inundaziuns.

Recumandaziuns da cumportament durant plievgias fermas

  • Plievgias intensivas laschan crescher svelt ils auals e flums; regiunalmain poi dar gia entaifer curt temp inundaziuns e da spundas stippas pon vegnir giu bovas. En cas d'ina plievgia ferma ston ins perquai adina far attenziun al liber, en spezial en la vischinanza d'auas e sin spundas, ma er en il traffic sin via.

    Recumandaziuns da cumportament durant plievgias fermas:

  • Observar il svilup local da l'aura.

  • Resguardar las annunzias push da l'app da MeteoSvizra.

  • Tegnair distanza da las auas (er da letgs d'auals ch'èn anc sitgs) e da las rivas.

  • Betg ir en tschalers ed en plauns sutterrans, sch'igl exista in privel d'inundaziun, metter ad aut objects (vesair tar il process "Aua gronda").

  • Tegnair distanza d'auals stips en las Alps, perquai ch'els pon vegnir cun bovas. Ina bova po vegnir giu andetgamain e senza preavertiment ed ha in potenzial da destrucziun enorm.

  • Tegnair distanza e sviar trajects da via inundads.

  • En mintga cas suandar las instrucziuns da las autoritads.

Recumandaziuns da cumportament suenter plievgias fermas

  • Er cur che las plievgias tschessan u èn passadas, mainan ils auals e flums anc adina blera aua. Perquai ston ins far vinavant attenziun, fin che la situaziun d'aua gronda è sa calmada.

    Recumandaziuns da cumportament suenter plievgias fermas / abundantas:

  • Observar il svilup local da l'aura.

  • Tegnair distanza da las auas (er da letgs d'auals sitgs) e da las rivas.

  • Tegnair distanza d'auals stips en las Alps, perquai ch'els pon vegnir cun bovas. Ina bova po vegnir giu andetgamain e senza preavertiment ed ha in potenzial da destrucziun enorm.

  • Tegnair distanza e sviar trajects da via inundads.

     

  • En mintga cas suandar las instrucziuns da las autoritads.