Recumandaziuns da cumportament en cas da setgira
Avant ina perioda da setgira
Per differents secturs, sco per exempel l'agricultura e l'economia forestala, la pestga u il provediment d'aua, èsi impurtant da savair ad ura, sch'i vegn a dar ina perioda da setgira.
Per quest motiv publitgescha l'Uffizi federal d'ambient UFAM avertiments, sch'i dat indizis per ina perioda da setgira pli lunga. Differentas mesiras gidan a limitar ils donns tras setgira.
S'infurmar via la plattafurma da setgira.
Duvrar las resursas d'aua cun mesira.
Durant ina perioda da setgira
La setgira po donnegiar plantas e culturas, augmentar il privel d'incendis da guaud e chaschunar ina stgarsezza tar las resursas d'aua per l'agricultura u en general. L'intensitad e la durada da periodas da setgira dependan da differents facturs, p.ex. dal deficit da precipitaziuns, da la valur da l'umiditad dal terren, dal nivel da l'aua da flums e da lais u da la quantitad d'aua sutterrana e da naiv (reservuar d'aua). Differentas mesiras gidan a limitar ils donns tras setgira.
-
S'infurmar via la plattafurma da setgira.
-
Duvrar las resursas d'aua cun mesira.
Suandar las instrucziuns da las autoritads localas.
S'infurmar davart la situaziun da privel locala (privel d'incendis da guaud), sch'ins ha planisà da far in fieu al liber.
Ina perioda da setgira
La setgira po chaschunar donns, per exempel tras quai che l'agricultura vegn donnegiada visiblamain ed a pli lunga vista (setgentada dal terren, furmaziun da sfessas, perditas da racolta e.u.v.).
Il privel d'incendis da guaud po esser avant maun er vinavant. As infurmai sin www.waldbrandgefahr.ch.
Cun tschertas mesiras pon ins sa preparar meglier per futuras periodas da setgira. Dapli infurmaziuns chattais Vus sin la plattafurma naziunala da setgira www.trockenheit.ch.