Il portal dals privels da la natira da la Confederaziun ademplescha las Directivas per l'accessibladad senza barrieras a cuntegns da l'internet (Web Content Accessibility Guidelines WCAG 2.1) per purschidas d'internet senza barrieras tenor il stgalim AA (A dubel).
Decleraziun da confurmitad da l'access senza barrieras
Quest standard è cumpatibel cun il eCH-0059 – Accessibility Standard. Tras el èsi garantì che las paginas d'internet èn effectivamain accessiblas senza barrieras e che la Lescha davart l'egualitad da persunas cun impediments (LImp) vegn observada. La fundaziun "Access per tuts" ha certifitgà questa pagina d'internet tenor las Directivas per l'accessibladad senza barrieras a cuntegns da l'internet (WCAG 2.1) cun il stgalim da confurmitad "AA":
- Pagina d'internet: Portal dals privels da la natira da la Confederaziun, www.naturgefahren.ch
- Stgalim da confurmitad ademplì: AA
- Data: ils 14 da schaner 2022
- Tecnologias-web che sustegnan l'access senza barrieras: XHTML, CSS, JavaScript
- Directivas per l'accessibladad senza barrieras a cuntegns da l'internet (WCAG 2.1): http://www.w3.org/Translations/WCAG20-de/
- Organisaziun che ha realisà il test: Fundaziun "Access per tuts", www.access-for-all.ch
Excepziuns
L'access senza barrieras a documents da PDF da terzas persunas (sur links) na po betg vegnir garantì. Documents da PDF cun barrieras vegnan duvrads sin il portal dals privels da la natira mo, sche lur cuntegns èn accessibels en furma identica e senza barrieras sin il portal.
Betg tut las funcziunalitads sin questa pagina d'internet n'adempleschan las pretensiuns envers ina pagina d'internet senza barrieras. Quellas vegnan actualmain optimadas en il rom da la repassada da las directivas-web da la Confederaziun e realisadas pli tard sin questa pagina d'internet.