Avertiments da vent vegnan publitgads durant l'entir onn.

Avertiments da vent vegnan publitgads per ils nivels 2 fin 5.

Consequenzas:

• Turbulenzas en vischinanza dal funs disturban l'aviaziun leva.
• Undas pli grondas sin ils lais.
• Objects che n'èn betg fixads u ch'èn fixads insuffizientamain crodan enturn.
• Roms pli pitschens rumpan giu.

Cumportament:

observar il svilup local da l'aura, tegnair distanza da guauds, fixar objects e suandar las instrucziuns da las autoritads.

Vent burascus en las regiuns bassas e mesaunas (incl. favugn): 70-90 km/h*

* Ils avertiments per lais e per plazzas aviaticas vegnan emess independentamain dals avertiments per las regiuns periclitadas e savens a curta vista (ca. 1-3 uras avant il cumenzament).

Consequenzas:

• Roms rumpan giu, singula bostga cupitga.
• Singuls tetgs vegnan donnegiads.
• Objects da gronda surfatscha ch'èn francads mo levamain sco tendas e puntanadas cupitgan.
• Il traffic sin via, il traffic da viafier, il traffic sin l'aua ed il traffic aviatic èn disturbads.
• Igl è pussaivel ch'il manaschi da runals e da telefericas vegn interrut.

Cumportament:

observar il svilup local da l'aura, resguardar ils alarms da stemprà dals lais, tegnair distanza da guauds, fixar objects e suandar las instrucziuns da las autoritads.

Vents burascus en las regiuns bassas e mesaunas (incl. favugn): 90-110 km/h

Vents burascus en las regiuns pli autas (>1800 m s.m.): 130-160 km/h

Consequenzas:

• Bostga cupitga.
• Singuls edifizis e tetgs vegnan donnegiads.
• Il traffic sin via, il traffic da viafier, il traffic sin l'aua ed il traffic aviatic èn disturbads u restrenschids.
• Objects pli gronds sco tendas e puntanadas ch'èn francads fixamain sco er objects mobils sco mobiglias d'iert pon vegnir suflads davent dal vent.
• Interrupziuns dal provediment d'electricitad e/u da las colliaziuns telefonicas.

Cumportament:

observar il svilup local da l'aura, tegnair distanza da guauds, fixar objects e suandar las instrucziuns da las autoritads.

Vents burascus en las regiuns bassas e mesaunas (incl. favugn): 110-140 km/h

Vents burascus en las regiuns pli autas (>1800 m s.m.): 160-200 km/h

Consequenzas:

• Bostga singula, entiras gruppas da bostga u parts d'in guaud sco er pitgas da conducts vegnan terrads.
• Gronds donns vi d'edifizis.
• Il traffic sin via, il traffic da viafier, il traffic sin l'aua ed il traffic aviatic èn disturbads u vegnan interruts cumplettamain.
• Vehichels pli gronds (vids) vegnan cupitgads.
• Er objects pli gronds sco tendas e puntanadas ch'èn francads fixamain sco er objects mobils sco mobiglias d'iert vegnan cupitgads dal vent.
• Ils lais han undas grondas che van sur las rivas ora.
• Vastas e lungas interrupziuns dal provediment d'electricitad e/u da las colliaziuns telefonicas.

Cumportament:

observar il svilup local da l'aura, tegnair distanza da guauds, fixar objects e suandar las instrucziuns da las autoritads.

Vents burascus en las regiuns bassas e mesaunas >140km/h

Vents burascus en las regiuns pli autas (>1800 m s.m.): 200km/h