Portal dals privels da la natira

Actualmain n'è avant maun nagina valitaziun.

Significaziun dal nivel da privel 1, en dependenza dal privel da la natira correspundent:

• Terratrembels: han ins eventualmain sentì.
• Fenomens meteorologics (p.ex. urizis): i n'è avant maun nagin privel (essenzial), nagin avertiment n'è activ
• Aua gronda: i n'è avant maun nagin privel (essenzial)
• Lavinas: nagina periclitaziun
  
• Incendi da guaud: fieus pitschens n'èn betg exclus

Significaziun dal nivel da privel 2, en dependenza dal privel da la natira correspundent:

• Terratrembels: han ins sentì lunsch enturn, i n'è betg da far quint cun donns vi d'edifizis
• Fenomens meteorologics (p.ex. urizis) han l'intensitad ch'è usitada per la stagiun
• Aua gronda: probablamain na stoi betg vegnir fatg quint cun auas che van localmain sur las rivas ora/cun inundaziuns en lieus exponids
• Lavinas: periclitaziun minimala
  
• Incendi da guaud: i po dar localmain fieus spontans

Significaziun dal nivel da privel 3, en dependenza dal privel da la natira correspundent:

• Terratrembels: han ins sentì lunsch enturn; i po dar donns pli pitschens vi d'edifizis
• Fenomens meteorologics (p.ex. urizis) a l'ur da l'intensitad ch'è usitada per la stagiun
• Aua gronda: auas che van localmain sur las rivas ora/inundaziuns en lieus exponids
• Lavinas: objects exponids (per il solit tschancuns da vias da traffic) pon esser periclitads
  
• Incendi da guaud: i po dar incendis da surfatscha

Significaziun dal nivel da privel 4, en dependenza dal privel da la natira correspundent:

• Terratrembels: han ins sentì fitg ferm, igl è da far quint cun donns vi d'edifizis
• Fenomens meteorologics (p.ex. urizis) han ina intensitad insolita
• Aua gronda: pli savens auas che van sur las rivas ora ed inundaziuns
• Lavinas: objects exponids (per il solit tschancuns da vias da traffic, per part er edifizis) pon esser periclitads
  
• Incendi da guaud: probabels èn incendis da surfatscha

Significaziun dal nivel da privel 5, en dependenza dal privel da la natira correspundent:

• Terratrembels: han ins sentì fitg ferm, igl è da far quint cun grevs donns vi d'edifizis
• Fenomens meteorologics (p.ex. urizis) han ina intensitad extraordinaria
• Lavinas: vias da traffic ed abitadis pon esser perclitads acutamain
  
• Aua gronda: en blers lieus auas che van sur las rivas ora ed inundaziuns
• Incendi da guaud: incendis da surfatscha pon s'envidar da tut temp

Observai en mintga cas las instrucziuns da las autoritads localas ed As preparai per mesiras extraordinarias.