Nagin nivel da privel

Segns distinctivs:  

ina dat nagins segns d’alarm. Privel da chaschunar lavinas exista be en singuls lieus, particularmain sin spundas extremamain stippas.

Consequenzas e recumandaziuns per vias da traffic ed abitadis:

nagina periclitaziun.

Recumandaziuns per persunas ordaifer las zonas segiradas:

ir in ad in sin spundas extremamain stippas e resguardar il privel da crudar.

Segns distinctivs:

singuls segns d’alarm pon cumparair. Privel da chaschunar lavinas exista particularmain sin spundas fitg stippas che han l’exposiziun e che sa chattan en l’autezza inditgadas en il bulletin da lavinas. Ins na sto betg far quint cun lavinas spontanas pli grondas.

Consequenzas e recumandaziuns per vias da traffic ed abitadis:

periclitaziun minimala.

Recumandaziuns per persunas ordaifer las zonas segiradas:

tscherner cun quità la ruta, particularmain sin spundas stippas che han l’exposiziun e che sa chattan en l’autezza inditgadas en il bulletin da lavinas. Ir in ad in sin spundas fitg stippas. Precauziun particulara en cas da structuras da la cuverta da naiv disfavuraivlas (problem da la naiv veglia).

Segns distinctivs:

wumms e sfessas èn tipics. Grond privel da chaschunar lavinas, particularmain sin spundas stippas che han l’exposiziun e che sa chattan en l’autezza inditgadas en il bulletin da lavinas. Privel da lavinas spontanas e distatgaments a distanza.

Consequenzas e recumandaziuns per vias da traffic ed abitadis:

en singuls cas pon objects exponids (per il solit tschancuns da vias da traffic) esser periclitads.

Recumandaziuns per persunas ordaifer las zonas segiradas:

la situaziun la pli critica per sportists d’enviern! Tscherner la ruta optimala e prender mesiras per sminuir las ristgas. Evitar spundas fitg stippas che han l’exposiziun e che sa chattan en l’autezza inditgadas en il bulletin da lavinas. Per persunas senza experientscha èsi pli prudent da restar sin pistas e rutas avertas.

Segns distinctivs:

lavinas spontanas e savens er lavinas fitg grondas pon sa furmar. Grond privel da chaschunar lavinas sin bleras spundas stippas. Distatgaments a distanza èn tipics. Wumms e sfessas èn frequents.

Consequenzas e recumandaziuns per vias da traffic ed abitadis:

lavinas pon avanzar lunsch, particularmain en las lavineras enconuschentas. Objects exponids (per il solit tschancuns da vias da traffic, per part er edifizis) pon esser periclitads.

Recumandaziuns per persunas ordaifer las zonas segiradas:

sa limitar a spundas betg uschè stippas. Resguardar ils intschess da sbuccada da las lavinas fitg grondas. Persunas senza experientscha restan sin las pistas e rutas avertas.

Segns distinctivs:

Ins sto far quint cun bleras lavinas spontanas fitg grondas ed extrem grondas. Quellas pon cuntanscher vias ed abitadis en valladas.

Consequenzas e recumandaziuns per vias da traffic ed abitadis:

er ordaifer las lavineras enconuschentas pon lavinas avanzar lunsch. Vias da traffic ed abitadis pon esser perclitads acutamain.

Recumandaziuns per persunas ordaifer las zonas segiradas:

i vegn recumandà da renunziar a sport da naiv ordaifer las pistas e rutas avertas. Resguardar las serradas.