Cun setgira èn manegiadas cundiziuns climatologicas extraordinarias e nunusitadamain sitgas, ch'èn ina sfida per las autoritads, per ils secturs e la finala er per la gronda part da la populaziun. Ellas na correspundan betg a las periodas pli sitgas climatologicamain normalas per ina stagiun u per ina regiun.
Nivels da privel da setgira
Per che las autoritads ed ils secturs pertutgads possian sa preparar a temp per ina proxima setgira, vegnan publitgads avertiments uffizials, tuttina sco per auters privels da la natira. Quests avertiments sa basan sin il giudicament emnil da la situaziun actuala tras experts e sin la prognosa da l'index da setgira cumbinà (CDI) per regiun. Auter ch'il CDI che vegn calculà automaticamain, cuntegnan ils avertiments ina interpretaziun da la tendenza e resguardan la malsegirezza da la prognosa.
En cas d'ina setgira vegnan publitgads ils suandants nivels da privel per mintga regiun, che sa basan sin la scala da privel tenor l'Ordinaziun davart la protecziun da la populaziun (art. 24 OPPop):
Nivel da privel 1 (pitschen privel u nagin privel)
Stadi da basa. La ristga ch'ina perioda da setgira pli lunga sa sviluppia durant las proximas 4 emnas, è mo pitschna u n'è betg avant maun.
Consequenzas
I na pon betg vegnir constatadas consequenzas (essenzialas).
Cumportament
Nagina recumandaziun da cumportament.
Descripziun da las valurs da mesiraziun e da prognosa
Per pliras valurs (precipitaziun, deflussiun ed umiditad dal terren) na mussa l'index da setgira cumbinà (CDI) per las proximas emnas nagina divergenza signifitganta da la media da blers onns.
Nivel da privel 2 (privel moderà)
I dat indizis per ina perioda da setgira pli lunga. Igl è pussaivel che la situaziun daventa pli critica. Igl è da far quint cun (emprimas) consequenzas e restricziuns.
Consequenzas
Aua
- Las auas currentas ed ils lais pon avair nivels pli bass che normal.
- Igl è pussaivel ch'ils nivels da l'aua sutterrana e las deflussiuns da l'aua da funtauna èn sut la media.
- Durant la stad èn las temperaturas da l'aua pli autas che normal.
- Localmain poi dar restricziuns d'utilisar aua.
Agricultura
En tscherts lieus è il terren sitg. Perquai poi dar perditas da racolta.
Provediment d'aua
Localmain po il basegn d'aua surpassar las resursas disponiblas.
Protecziun da las auas / Pestga / Industria / Utilisaziun da l'aua da sfradentar
I na pon betg vegnir constatadas consequenzas (essenzialas).
Economia forestala
Per il pli èsi da far quint cun in pli grond privel d'incendis da guaud.
Navigaziun
Per las navs dal Rain poi esser necessari da reducir la chargia maximala.
Forza idraulica
Tar las ovras electricas da flum po la prestaziun sa reducir minimalmain.
Verhalten
- Sich auf www.trockenheit.ch informieren.
- Sparsam mit den Wasserressourcen umgehen.
- Sich über mögliche Einschränkungen der Wassernutzung informieren.
Descripziun da las valurs da mesiraziun e da prognosa
L'index da setgira cumbinà (CDI) mussa per las proximas emnas ina divergenza signifitganta da la media da blers onns per pliras valurs (precipitaziun, deflussiun ed umiditad dal terren).
Nivel da privel 3 (privel considerabel)
Avertiments da setgira vegnan publitgads mo per ils nivels da privel 2 e 4.
Nivel da privel 4 (grond privel)
Per regla exista gia il nivel da privel 2 e la prognosa inditgescha in cler pegiurament da la situaziun. In tal nivel da setgira ha consequenzas considerablas e porta cun sai grondas restricziuns.
Consequenzas
Aua
- Singuls trajects d'auas currentas pitschnas sian probablamain ora. Quai po er pertutgar las auas currentas mesaunas.
- Funtaunas pli pitschnas pon stalivar. La quantitad d'aua da funtaunas pli grondas po esser reducida.
- Durant la stad poi esser che la limita da temperatura da 25 °C vegn surpassada en tscherts trajects da las auas currentas.
- Igl è probabel ch'i dat restricziuns localas e regiunalas d'utilisar aua. Igl è pussaivel ch'i vegn scumandà d'utilisar aua.
Agricultura
Localmain è il terren fitg sitg, uschia che perditas da racolta èn probablas.
Provediment d'aua
- Localmain e regiunalmain po il basegn d'aua surpassar las resursas disponiblas.
- Per tschertas utilisaziuns poi dar restricziuns.
Protecziun da las auas / Pestga / Industria / Utilisaziun da l'aua da sfradentar
- La prestaziun da sfradentar d'implants da producziun e d'electricitad po esser limitada.
- En singuls trajects d'auas pon vegnir cuntanschidas temperaturas fitg autas che pericliteschan ils organissems da l'aua.
Economia forestala
Igl è da far quint cun in pli grond d'incendis da guaud.
Navigaziun
- Sin ils flums ed ils lais poi dar restricziuns per la navigaziun.
- Probablamain sto la chargia maximala da las navs dal Rain vegnir limitada fermamain.
Forza idraulica
La prestaziun da las ovras electricas da flum po sa reducir.
Cumportament
- As infurmai davart eventualas ordinaziuns da las autoritads localas concernent scumonds e restricziuns d'utilisar aua ed observai talas.
- Duvrai las resursas d'aua cun mesira.
- Observai las instrucziuns ed ils scumonds da las autoritads localas areguard il privel d'incendis da guaud.
Descripziun da las valurs da mesiraziun e da prognosa
Per pliras valurs (precipitaziun, deflussiun ed umiditad dal terren) mussa l'index da setgira cumbinà (CDI) per las proximas emnas ina divergenza extrema da la media da blers onns. Durant ina perioda da 50 onns vegn in tal eveniment observà mo paucas giadas per la regiun e la stagiun respectiva.
Nivel da privel 5 (fitg grond privel)
Avertiments da setgira vegnan publitgads mo per ils nivels da privel 2 e 4.
Allgemeine Bemerkungen zur Warnstrategie
Il nivel da privel 2 sa drizza en emprima lingia a las autoritads ed als secturs, quai en il senn d'in «clom da resvegl». Las autoritads ed ils secturs èn uschia dumandads da persequitar la situaziun e da prender las mesiras correspundentas. La populaziun sa, ch'il chantun e/u las vischnancas pon introducir restricziuns.
Il nivel da privel 4 sa drizza spezialmain er a la vasta populaziun, per avertir quella da la perioda da setgira pli critica cun consequenzas considerablas. A partir dal nivel da privel 4 stoi vegnir fatg quint, che er la gronda part da la populaziun è pertutgada directamain da restricziuns (p.ex. restricziuns d'utilisar aua) dals chantuns e/u da las vischnancas.
Ils nivels da privel 3 (privel considerabel) e 5 (fitg grond privel) na vegnan betg duvrads per la setgira, perquai ch'els na chaschunan betg differenzas considerablas per la populaziun, cumpareglià cun ils nivels 2 e 4.