Vent è in moviment d'aria en l'atmosfera ch'è principalmain drizzà en direcziun orizontala.
Nivels da privel dal vent
Vents resultan pervia da differenzas en la pressiun da l'aria tranter massas d'aria da differenta temperatura. L'aria sa mova davent da la pressiun pli auta (zona da pressiun auta) a la pressiun pli bassa (zona da pressiun bassa), fin che la pressiun da l'aria è sa gulivada.
En Svizra datti sin grondas surfatschas il pli savens vent dal vest, bisa e favugn.
Nivel 1 da privel (pitschen privel u nagin privel)
Avertiments da vent vegnan publitgads per ils nivels 2 fin 5.
Nivel da privel 2 (privel moderà)
Consequenzas
- Turbulenzas en vischinanza dal funs disturban l'aviaziun leva.
- Undas pli grondas sin ils lais.
- Objects che n'èn betg fixads u ch'èn fixads insuffizientamain crodan enturn.
- Roms pli pitschens rumpan giu.
Cumportament
Infurmaziuns davart il cumportament chattais Vus en las Recumandaziuns da cumportament durant vents ferms
Descripziun da las valurs da mesiraziun e da prognosa
- Vent burascus en las regiuns bassas e mesaunas (incl. favugn): 70-90 km / h
- Vents burascus en las regiuns pli autas (>1600 m s.m.): 100-130 km / h
Nivel da privel 3 (privel considerabel)
Auswirkungen
- Roms rumpan giu, singula bostga cupitga.
- Singuls tetgs vegnan donnegiads.
- Objects da gronda surfatscha ch'èn francads mo levamain sco tendas e puntanadas cupitgan.
- Il traffic sin via, il traffic da viafier, il traffic sin l'aua ed il traffic aviatic èn disturbads.
- Igl è probabel ch'il manaschi da runals e da telefericas vegn interrut.
Cumportament
Infurmaziuns davart il cumportament chattais Vus en las Recumandaziuns da cumportament durant vents ferms
Descripziun da las valurs da mesiraziun e da prognosa
- Vents burascus en las regiuns bassas e mesaunas (incl. favugn): 90-110 km / h
- Vents burascus en las regiuns pli autas (>1600 m s.m.): 130-160 km / h
Nivel da privel 4 (grond privel)
Consequenzas
- Bostga cupitga.
- Singuls edifizis e tetgs vegnan donnegiads.
- Il traffic sin via, il traffic da viafier, il traffic sin l'aua ed il traffic aviatic èn disturbads u restrenschids.
- Objects pli gronds sco tendas e puntanadas ch'èn francads fixamain sco er objects mobils sco mobiglias d'iert pon vegnir suflads davent dal vent.
- Interrupziuns dal provediment d'electricitad e/u da las colliaziuns da telefon.
Cumportament
Infurmaziuns davart il cumportament chattais Vus en las Recumandaziuns da cumportament durant vents ferms
Descripziun da las valurs da mesiraziun e da prognosa
- Vents burascus en las regiuns bassas e mesaunas (incl. favugn): 110-140 km/h
- Vents burascus en las regiuns pli autas (>1600 m s.m.): 160-200 km/h
Nivel da privel 5 (fitg grond privel)
Consequenzas
- Bostga, entiras gruppas da bostga u parts d'in guaud sco er pitgas da conducts vegnan terrads.
- Gronds donns vi d'edifizis.
- Il traffic sin via, il traffic da viafier, il traffic sin l'aua ed il traffic aviatic èn disturbads u vegnan interruts cumplettamain.
- Vehichels pli gronds (vids) vegnan terrads.
- Er objects pli gronds sco tendas e puntanadas ch'èn francads fixamain sco er objects mobils sco mobiglias d'iert e.u.v. vegnan terrads dal vent.
- Ils lais han undas grondas che van sur las rivas ora.
- Vastas e lungas interrupziuns dal provediment d'electricitad e/u da las colliaziuns da telefon.
Cumportament
Infurmaziuns davart il cumportament chattais Vus en las Recumandaziuns da cumportament durant vents ferms
Descripziun da las valurs da mesiraziun e da prognosa
- Vents burascus en las regiuns bassas e mesaunas: >140 km / h
- Vents burascus en las regiuns pli autas (>1600 m s.m.): >200 km / h